11 tà Lulju: Wara tlett snin tà taħdidiet dwar il-Qniepen mad-Ditta John
Taylor, illum ġietna okkażjoni favorevoli.
Din id-ditta għamlitilna proposta, li filwaqt li nżommu
l-qanpiena ż-żgħira u l-kbira, magħhom inżidu
tlett iqniepen ġodda, b'hekk ikollna sett ta' hames qniepen. Id-ditta
John Taylor Bellfounders taghti garanzija assoluta li l-qniepen
il-godda flimkien ma' dawk li ghandna diga' jinghaqdu f'armonija solenni
li muzikalment tissejjah Concerto Maggiore in Fa Diesis. Iz-zewg
qniepen l-ohra li ghandna jibqghu jintuzaw ghall-arlogg.
13 u 14 tà Lulju:
Saru laqgħat tal-Presbiterju u l-Kumitat Finanzjarju fejn
analizzajna din il-proposta.
14 tà Lulju: L-Arċipriet bagħat rikors lill-Isqof Mons. Nikol Ġ.
Cauchi dwar il-proġett tat-tlett iqniepen.
27 tà Lulju: L-Eċċellenza tieghu Mons. Isqof ta l-approvazzjoni tiegħu
biex isir dan il-proġett.
6 t’Awissu: Fil-11.00am ġie ffirmat il-Kuntratt bejn id-ditta John Taylor
Bellfounders u l-Parroċċa tax-Xewkija.
7 t’Awissu: Fuq l-Bullettin tal-parroċċa, ingħata tagħrif
dwar il-proġett tat-tlett iqniepen.
Ir-recording digital tat-tlett iqniepen ġodda maż-żewġt
iqniepen eżistenti, beda jinstema’ fuq Radju Prekursur.
14 t’Awissu: L-Arċipriet u l-Kleru ħarġu Appell lill-Poplu fuq dan
il-Proġett. It-tlett
iqniepen flimkien mal-bini tal-koppla tà quddiem ser ikunu ż-żewġ
proġetti li għandha quddiemha l-parrocca.
22 t’Awissu: Kleru u poplu kkoperaw bil-kbir.
Kulħadd beda jġib l-envelope bid-donazzjoni tiegħu.
Għall-Qanpiena l-Kbira, li tiswa Lm54,000 diġa nġabbru
Lm44,324 sa Novembru.
30 ta’ Settembru:
Intbaghat Appell mill-Arċipriet u Kleru lill-Emigranti
Xewkin fejn ġew mgħarrfin li l-Qanpiena tan-nofs li tiswa
Lm19,581, sejra tkun iddedikata lill-Emigranti Xewkin b’tifkira
tas-sehem li dejjem taw fil-bini tar-Rotunda.
L-emigranti laqgħu bil-ferħ dan l-appell u bdew jagħtu
d-donazzjonijiet tagħhom li sa Novembru 2005, diġa laħqu
s-somma tà Lm5,120.
5 tà Settembru:
Tħallas lid-ditta John Taylor, l-ewwel pagament tà 10% li
jiġi Lm7,956.75c.
7 t’Ottubru: F’laqgħa tal-Presbyterium ingħataw l-ismijiet
lill-qniepen: il-kbira - Giovanna,
tan-nofs - Eliżabbetta
u iż-żgħira - Marija Addolorata.
Gew deċiżi l-iskrizzjonijiet u versi mis-Salmi li ser
jitnaqqxu fuq l-qniepen.
2 ta’ Novembru:
Beda x-xogħol fuq il-qniepen fil-Fonderija l-Ingilterra.
12 ta’ Novembru:
Sar meeting ġenerali fuq il-post fil-Kampnar
bejn dawk kollha nvoluti. Dawn kienu d-Direttur Ingliż
tal-Kumpanija
Mr. Gerald Flatters, ir-Rappreżentant tal-Kumpanija Mr Kenneth
Cauchi, il-Perit Profs Alex Torpiano, l-Inġinier responsabbli mill-Kostruzzjoni
tal-Kampnar flimkien mas-Saċerdoti u nies esperti fit-tlugħ
tal-qniepen, bennejja u Crane Consultants.
Il-qanpiena il-kbira tizen 61 qantar,
dik tan-nofs tizen 23 qantar filwaqt li iz-zghira tizen 11 il-qantar.
